افتراضي مدربل بالباتنجال من مطبخي

بسم الله الرحمن الرحيم
الحمد لله و الصلاة و السلام على رسول الله
السلام عليكم و رحمة الله تعالى و بركاته

المقادير:
ـ باتنجال.
ـ حبة طماطم.
ـ حبة بصل.
ـ فصوص ثوم.
ـ جاج.
ـ ملح.
ـ فلفل أسود.
ـ قرفة.
ـ زيت.
ـ ماء للتمريق.
ـ بطاطا (إختياري).
ـ حمص.
طريقة التحضير:
ـ أول حاجة نديروها نغسلو الباتنجال و نقطعوه بالطول



و نفوروه و هاذ الخطوة مهمة جدا و الهدف منها انو الباتنجال ما يرفدش الزيت و كذلك نطيبوا الحمص وحدوا ماشي في لاصوص انا استعملت الجاهز اللي يتباع



و لتحضير المرقة نديروا الجاج في كاسرول نضيفوا عليه حبة بصلة مرابية و نضيفوا شوي زيت و فلفل أسود و قرفة و ملح و ممكن تضيفي شوي ماء إذا البصل ما طلقش الماء و خليه يتحمس



و مرة على مرة حركيه باش ما يلصقش كي يذبال البصل مليح نضيفلو حبة طماطم نكون رابيتها



و نخليها و مرة على مرة نحركوا كي تذبال الطماطم و يكون الجاج متحمس مليح نمرقوا و هنا ضفت الحمص بالماء و كي يغلى نقصو عليه



نروحوا دك نقشروا البطاطا و نغسلوها و نقطعوها مكعبات أو كيما تحبوا



و نقلوها و هذي اللي يحب يزيدها يعني تقدري الإستغناء عليها



كي يفور الباتنجال



نقلوه



و كي يطيب الجاج نحوه






و نديروا الباتنجال و نخلوه يغلى مليح



و يتشرب المرقة مليح و نطفوا عليه



و نحطوا البطاطا فوقوا و هكذا صار جاهز







بصحتكم
نتمنى يعجبكم
لا تنسوني من دعائكم

.

مرسي
يعطيك الصحة